Domestic Violence Bill

#Say_No_to_DOMESTIC_VIOLENCE

حکومت نے فیملز اور بچوں کے حوالے سے ایک قانون پاس کیا اس قانون کا نام "ڈومیسٹک وائلینس بل" رکھا یہ ایک بالکل سادہ سا قانون ہے جس میں خواتین پر گھریلو تشدد کی روک تھام کے لیئے یہ بل بنایا گیا اور پاس کیا گیا۔ لیکن پروپیگنڈا کرنے والوں نے اپنی ازلی بیغرتی دکھاتے ہوئے اس بل کو اسلام کے خلاف قرار دیا- اور اپنے فتوے گھڑنا شروع کردیے-

سوال یہ پیدا ہوتا ہے کہ ڈومیسٹک وائلینس بل کیا ہے ؟؟ تو اس پر ہم تھوڑی سی ٹارچ سے روشنی ڈالتے ہیں اس کے بعد فیصلہ آپ خود کریں کہ یہ اسلام کے خلاف کیسے ہے؟؟ 

"Domestic Violence. - Domestic Violence shall mean all acts of physical, emotional, psychological, sexual and economic abuse committed by a respondent against women, children, vulnerable persons, or any other person with whom the respondent is or

has been in a domestic relationship that causes fear, physical or psychological harm to the aggrieved person"

پروپیگنڈا کرنے والوں کے  لیئے اردو ترجمہ 

ڈومیسٹک وائلینس سے مراد ہے کہ کسی عورت، بچے یا کسی کمزور ( بوڑھے ماں باپ) پر فزیکل، ایموشنل، سایئکالوجیکل ، سیکسویئل اور اکنامک ابیوز کا استعمال ہے- جس کی وجہ سے اس شخص کے اندر ڈر پیدا ہو یا پھر اس سے فزیکلی یا سایئکولوجیکلی نقصان پہنچے- یہ وہ لوگ ہیں جن کے ساتھ ملزم رہتا ہو یا ڈومیسٹک رشتہ داری میں منسلک ہو- 

اسی بل میں آگے چل کر فزیکل، ایموشنل، سایئکالوجیکل ، سیکسویئل اور اکنامک ابیوز کی وضاحت کچھ اس طرح کی جاتی ہے-- 

فزیکل ابیوز : فزیکل ابیوز سے مراد ہے خواتین ، بچوں یا کمزور پر تشدد کرنا اور تشدد کرکے اس کو نقصان پہنچانا یا ان پر کسی ایسے جرم کا ارتکاب کرنا جن کا ذکر پی پی سی سیکشن 16، 16 اے، 17، 20 اور 20 اے میں زکر کیا گیا ہے 

ایموشنل اور سایئکالوجیکل ابیوز: سایئکالوجیکل ابیوز سے مراد ہوتا ہے سامنے والے پر جان بوجھ کر ایسے الفاظ کا مسلسل استعمال کیا جائے جس کی وجہ سے اس کو "جان بوجھ" کر کمزور کیا جائے ، اس کی رائے بدلی جائے، اس کو اندر سے زخمی کیا جائے یا اس کو ڈرا کر کوئی کام کروایا جائے- اس میں سب سے کامن کیس 2 ہیں جو کہ عدالتوں میں آتے ہیں

1- بیٹیوں کو ڈرا کر یا ایموشنل بلیک میل کرکے ان کے نام کی جائیداد اپنے نام کروالی جاتی ہے 

2- دوسرا کیس یہ آتا ہے کہ لڑکیوں کی مرضی کے بغیر ان  پر پریشر ڈال کر یا ان کو ایموشنل بلیک میل کرکے ان کی شادی کردی جاتی ہے اور اس سے دو خاندان تباہ ہوجاتے ہیں- اسی دوسری وجہ سے آج طلاق کی ریشو اس قدر بڑھ چکی ہے کہ آپ کی سوچ ہے لیکن کسی پروپیگنڈا کرنے والے سے پوچھیں تو وہ آپ کو اس کی وجہ میڈیا کی بے حیائی اور سوشل میڈیا کا استعمال بتائے گا- یہ حق اللہ نے ان کو دیا ہے تو والدین کو ان کی مرضی کا خیال رکھنا بے حد ضروری ہے- 

اس بل میں ایموشنل اور سایئکالوجیکل ابیوز کے تحت جو چیزیں بیان کی گئی ہیں وہ مندرجہ ذیل ہیں-

1- صاحب اختیار کی جانب سے جنونیت کی وجہ سے بار بار وکٹم کی پرایئویسی میں دخل دینا جس کی وجہ سے اس کی سالمیت، آزادی اور سیکورٹی کو خطرہ پہنچے-- (یہ سالمیت، آزادی اور سیکورٹی قانون کے مطابق ہے جو کہ قانون ان کو دیتا ہے اس کا مطلب بوائے فرینڈ کی آزادی نہیں ہے جس کو پروپیگنڈا کرنے والے اس وقت پکڑ کر وین کررہے)

2- کمزور شخص کو بار بار بے عزت کرنا یا تضحیک کرنا-- (کمزور شخص سے مراد یہاں بوڑھے ماں باپ ہیں) 

3- بیوی یا گھر میں موجود خواتین کو جسمانی نقصان پہنچانے کی دھمکی دینا- ( یہ مدرسہ یا سکول نہیں کہ جہاں تمہیں سوئی گیس کے پائپوں سے تشدد لال کی جاتی ہیں- یہ گھر ہے ) 

4-  اپنی بیوی کو بانجھ پن اور پاگل پن کاجھوٹا الزام لگا کر اس کو دوسری شادی یا طلاق کی دھمکی دینا-

5- گھر میں موجود کسی خاتون کے کریکٹر پر کوئی جھوٹا الزام لگانا- (جو کہ بعد میں غیرت کے نام پر قتل کا باعث بنتا ہے)

6- جان بوجھ کر یا پوری طرح سے عورت، بچے، یا کمزور سے دستبرداری اختیار کرنا ( اگر یہاں عورت کا مطلب بیوی ہے تو اس کا مطلب ہے کچھ لوگ شادی کرکے عورت کے ساتھ حق زوجگی ادا نہیں کرتے اور پھر بعد میں اس کو طلاق دے دیتے ہیں یوں اس عورت کی زندگی برباد ہوجاتی ہے مرد دوسری شادی کرلیتا ہے لیکن عورت پر طلاق کا ٹھپہ لگ جاتا ہے۔اور عورت ساری عمر کچھ نہ کرکے بھی سزا بھگتتی ہے۔۔) 

7- ڈنڈے سے مارنا، 

8- ہیراسمینٹ کرنا  ( کسی غلط کام کو کرنے پر ڈانٹنے کو ہیراسمینٹ نہیں کہتے۔۔ بلکہ عورت کو بلیک میل کرکے اس سے غلط کام کرنے کی خواہش کرنا جس سے عورت کمفرٹیبل فیل نہ ہو اس کو ہیراسمینٹ کہتے ہیں۔عدالت میں جب کیس چلے گا تو ایویں ہی الزام لگانے پر سزا نہیں مل جائے گی تحقیقات کے بعد ہی ملزم کا کلیئر ہوگا)

9- بیوی کو شوہر کے علاوہ کسی اور مرد کے ساتھ تعلقات بنانے پر مجبور کرنا- 

یہ سب ایموشنل اور سایئکالوجیکل ابیوز کے زمرے میں آتا ہے جو  اس وقت اس کو لیکر بھڑکیں مار رہے ہیں ان میں سے کسی ایک کو بھی ان شقوں کی بیک گراؤنڈ کا علم نہیں یہ ان شقوں کی بیک گراؤنڈ کو سمجھے بغیر منہ پھاڑے بوائے فرینڈ کو لیکر بکواس کرتے پائے جارہے ہیں-جس کا دور دور تک اس میں کہیں ذکر نہیں ہے۔ ان پر وہ کہاوت لاگو ہوتی ہے کہ ملا کی دوڑ مسیت تک- اور یہ خنجر انگلش میں لکھے ایک بل کو ہاتھ ڈال رہے ہیں۔

سیکسویئلی ابیوز: سیکسویئلی ابیوز سے مراد یہاں زیادتی کرنا یا اپنے ساتھ غلط کام کرنے پر مجبور کرنا ہے

اکنامک ابیوز: اکنامک ابیوز سے مراد یہ ہے کہ کسی فیمل یا بچے کو اس کے فنانشنل حق سے محروم کرنا ہے جس میں بیٹیوں کے حصے پر قابض ہونا یا پھر بیٹیوں کو تعلیم نہ دلوانا لیکن بیٹوں کو تعلیم حاصل کروانا شامل ہے یعنی بیٹی کا حق مارنا- 

اب اپنے ایمان سے بتایئں اس بل میں جس کو لیکر یہ پروپیگنڈا کرنے والے کپڑے پھاڑ کر وین کررہے-- اور اس کو اسلام کے خلاف اور فیملی لائف تباہ کرنے کا ذمہ دار قرار دے رہے اس میں کونسی ایسی شق ہے جس سے فیملی لائف تباہ ہوجائے گی اور کونسی ایسی شق ہے جو کہ اسلام کے خلاف ہے-  کاپی پیسٹر کاپی پیسٹ کرکے 2 دن سے مرنے والے ہوئے پڑے کہ اخے اسلام دشمن بل پاس کردیا-